მალე Boeing 747-ის წარმოება შეწყდება
Boeing 747-ის წარმოება მალე შეწყდება, - ამის შესახებ ინფორმაციას Bloomberg-ი ავრცელებს.
სააგენტო წყაროზე დაყრდნობით წერს, რომ მგზავრებში ამ მოდელის პოპულარულობის მიუხედავად, უმეტეს მარშრუტებზე ლაინერი აღარ არის მოთხოვნადი, ამიტომ 2016 წლიდან Boeing-ი ყოველ გამოშვებულ მოდელზე 40 მლნ დოლარს კარგავს.
სააგენტოს ცნობით, ბოლო Boeing 747-8 -ს ააწყობენ სიეტლში მდებარე საწარმოში.
„ნახევარი საუკუნის წინ წარდგენილმა თვითმფრინავმა თითქმის გაანადგურა კორპორაცია," - წერს Bloomberg-ი და აღნიშნავს, რომ ამ დროის მანძილზე 1571 ლაინერია გამოშვებული.
ბოლო სამგზავრო ვარიანტზე შეკვეთა 2017 წელს გაკეთდა, ლაინერი უნდა გახდეს აშშ-ს პრეზიდენტის საჭიროებებისთვის ნომერი პირველი ბორტი.
ამ დროისათვის, კომპანიას 15 ლაინერზე აქვს შეკვეთა, საიდანაც 12 -ი United Parcel Service-ს ეკუთვნის.
