ილია მეორე უკრაინაში მიმდინარე მოვლენებთან დაკავშირებით, განცხადებას ავრცელებს
სრულიად საქართველოს კათოლიკოს-პატრიარქი უკრაინაში მიმდინარე მოვლენებთან დაკავშირებით, განცხადებას ავრცელებს.
ილია მეორეს თმქით, ვითარების დარეგულირების შესაძლებლობა კიდევ არის.
"საქართველოს მწარე გამოცდილებიდან გამომდინარე, ვიცით, რამდენად მნიშვნელოვანია ქვეყნის ტერიტორიული მთლიანობა. ამიტომაც გულისტკივილით ვადევნებდით თვალს უკრაინასთან მიმართებაში შექმნილ დაძაბულ ვითარებას. ავღნიშნავთ, რომ გუშინ და დღეს განვითარებული მოვლენები უკვე სერიოზული სისხლისღვრის საფრთხის შემცველია, თუმცა შესაძლებლობა ვითარების დარეგულირებისა, კიდევ არის. ეს არის შესაძლებლობა საყოველთაო მშვიდობის შენარჩუნებისაც. შევთხოვთ ყოვლადწმინდა სამებას, მშვიდობა მომადლოს უკრაინის მოსახლეობას და მთელ მსოფლიოს. ღმერთი მშვიდობისა იყოს ყოველთა თანა, ამინ!"– წერს, საქართველოს კათოლიკოს-პატრიარქი ილია მეორე.
ოფიციალური წერილი საქართველოს საპატრიარქომ გამოაქვეყნა.
