Hyundai მდიდრულ ბრენდ Genesis-ს ევროპაში ზაფხულში წარადგენს

სამხრეთკორეული კომპანია Hyundai Motor მიმდინარე წლის ზაფხულში ევროპაში პრემიუმ ბრენდ Genesis-ს გამოუშვებს. როგორც Hyundai-ს დამოუკიდებელი მდიდრული განყოფილება Genesis აცხადებს, კომპანია რეგიონში როგორც სტანდარტულ, ასევე ელექტრომობილების მოდელებსაც გაყიდის.

Genesis Motor Europe-ის ინფორმაციით, პირველი სრულიად ელექტრო Genesis-ი, რომელიც ევროპაში გავა Electrified G80 იქნება. აღნიშნულს კი დამატებით ორი ბატარეიის ელექტრო მანქანა გამოშვება მოჰყვება, რაც პირველ წელს ევროპელ მომხმარებლებს სამი Genesis-ის ნულოვანი გამონაბოლქვის მქონე ავტომობილებს შორის არჩევანის გაკეთების საშუალებას მისცემს.

განყოფილების თქმით, სედან Genesis G80-ზე და ჯიპ Genesis GV80-ზე შეკვეთების მიღება ივნისიდან დაიწყება. მათ შემდეგ კი ბაზარზე სედანი G70 და ჯიპი GV70 გამოჩნდება.