გერმანიამ ქარის ენერგიის დადგმული სიმძლავრე 8,385 მგვტ-მდე გაზარდა
გერმანიამ 2023 წლის პირველ ნახევარში, ოფშორული ქარის სიმძლავრე 3,1%-ით 8 385 მეგავატამდე გაზარდა. ინდუსტრიის წარმომადგენლები უკეთესი შემოსავლის გარანტიებს ითხოვენ, რათა შეინარჩუნონ მშენებლობის ტემპი და უზრუნველყონ, რომ სექტორმა 2030 წლისთვის 30,000 მეგავატს მიაღწიოს.
ბერლინი მიზნად ისახავს 2030 წლისთვის ელექტროენერგიის მინიმუმ 80%-ს გამოიმუშაოს ისეთი მწვანე წყაროებიდან, როგორიცაა მზის და ქარი. ახლა ეს მაჩვენებლი 40%-ის ფარგლებშია. მიზანი ნახშირბადის ემისიების შემცირებაა. სწორედ ამიტომ, ქარის ენერგიის სექტორი ამ მიზნის მისაღწევად, ერთ-ერთი ცენტრალური ადგილია.
„წლების განმავლობაში სუსტი ზრდის შემდეგ, ინდუსტრია სასტარტო პოზიციაშია დიდი რაოდენობის პროექტების განსახორციელებლად“, - განაცხადეს ორგანიზაციებმა: BWE, BWO, „გერმანული ოფშორული ქარის ენერგიის ფონდი“, VDMA Power Systems, WAB და WindEnergy Network.
2022 წელს გერმანიის ქარის ენერგიის სექტორს მხოლოდ 342 მეგავატი შეემატა. მიზეზი გაურკვევლობა, რეკორდული ფასები და ენერგეტიკული ბაზრების რღვევაა, მას შემდეგ, რაც რუსეთს დასავლეთში გაზის ექსპორტი შეეზღუდა.
