FED: აშშ-ის ცენტრალური ბანკი, საპროცენტო განაკვეთების შემდგომ ზრდას ფრთხილად განაგრძობს

ობლიგაციების შემოსავლიანობის ზრდა შეიძლება ნიშნავს, რომ Fed-მა ნაკლები უნდა გააკეთოს - ამის შესახებ აშშ-ს ფედერალური სარეზერვო ბანკის თავმჯდომარემ ჯერომ პაუელმა ნიუ-იორკის ეკონომიკურ კლუბთან საუბრისას განაცხადა და აღნიშნა, რომ აშშ-ის ცენტრალური ბანკი „ფრთხილად გააგრძელებს“ საპროცენტო განაკვეთების შემდგომ ზრდას.

მისივე თქმით, გრძელვადიანი ობლიგაციების შემოსავლიანობის ბოლოდროინდელი მატება აძლიერებს ფინანსურ პირობებს, როგორც ეს ცენტრალურ ბანკს სურს და შეიძლება ნიშნავდეს იმას, რომ Fed-ს ნაკლებად დასჭირდება შემდგომი განაკვეთების გაზრდა.

„მე და ჩემი კოლეგები მტკიცედ ვასრულებთ ჩვენს მოვალეობას და ვალდებულებას - დროთა განმავლობაში დავბრუნდეთ ინფლაციის 2%-იან მაჩვენებელს. მთელი რიგი გაურკვევლობები - როგორც ძველი, ასევე ახალი, ართულებს ჩვენს ამოცანას, თუ როგორ ვიპოვოთ ბალანსი მონეტარული პოლიტიკის ძალიან გამკაცრებასა და ძალიან მცირე გამკაცრებას შორის. ძალიან ცოტას გაკეთებამ შეიძლება მიზნობრივი ინფლაცია გააძლიეროს. ძალიან ბევრის გაკეთებამ კი, ასევე შეიძლება ზედმეტი ზიანი მიაყენოს ეკონომიკას. გაურკვევლობისა და რისკების გათვალისწინებით და იმის გათვალისწინებით, თუ რამდენად შორს წავედით, კომიტეტი ყურადღებით განაგრძობს მუშაობას. გადაწყვეტილებებს განვითარებადი პერსპექტივისა და რისკების ბალანსის საფუძველზე“ - განაცხადა Fed-ის თავმჯდომარემ.