მსოფლიო
24/02/2022
ევროკომისია რუსეთისთვის მასობრივი სანქციების დაწესებას აანონსებს
ევროპული კომისიის პრეზიდენტი, ურსულა ვონ დერ ლეიერი რუსეთისთვის "მასობრივი" სანქციების დაწესებას აანონსებს.
ურსულა ვონ დერ ლეიერის სიტყვებს BBC ციტირებს.
ბრიტანული გამოცემის მიხედვით, სანქციების მორიგი მიზანი რუსეთის ეკონომიკური ბაზისა და მისი "მოდერნიზაციის შესაძლებლობის" შესუსტება იქნება.
ევროკომისიის პრეზიდენტის განცხადებით, პუტინმა ევროპაში საომარი ვითარება დააბრუნა.
ცნობისთვის, ვლადიმერ პუტინის გადაწყვეტილებით, რუსეთი უკრაინაში შეიჭრა და სამხედრო მოქმედებების განხორციელება დაიწყო. საომარი მდგომარეობა გამოაცხადა უკრაინამაც.
