Dr Martens საფონდო ბირჟაზე გასვლას გეგმავს

ფეხსაცმელების ბრენდი Dr Martens საფონდო ბირჟის ინვესტორებისთვის კომპანიის აქციების შეთავაზების შესაძლებლობას განიხილავს.

BBCის ცნობით, Dr Martens -ის უახლესი მონაცემები, კომპანიის მაღაზიებში არსებული Covid შეზღუდვების მიუხედავად, გაყიდვების ზრდას აჩვენებს. 

გამოცემის ცნობით, კომპანია წლიურად 60-ზე მეტ ქვეყანაში 11 მილიონ წყვილ ფეხსაცმელს ყიდის - წლიური გაყიდვებით 672 მილიონი ფუნტი სტერლინგი.

დოქტორ მარტენსის აღმასრულებელმა დირექტორმა კენი უილსონმა განაცხადა, რომ ბიზნესს „მნიშვნელოვანი გლობალური ზრდის პოტენციალი აქვს“ და დასძინა, რომ კომპანიამ „მასიურად“ ჩადო ინვესტიცია ბიზნესის განვითარებაში როგორც ონლაინ, ასევე მაღაზიაში.

ცნობისთვის, Dr Martens თავდაპირვლად იყიდებოდა, როგორც სამუშაო ფეხსაცმელი, თუმცა შემდგომში იგი 1960-იანი წლების ადრეულმა ახალგაზრდულმა მოძრაობამ აიტაცა. Dr Martens ასევე პოპულარული გახდა პანკებში 1970-იან წლებში და ფეხსაცმლის აღორძინება მოხდა, როდესაც 1990-იან წლებში გამოჩნდა ბრიტპოპი.

ფოტო: BBC