ბაქო-თბილისი-ყარსზე რუსეთის მიმართულებით პირველი საექსპორტო მატარებელი გაივლის

ანკარიდან მოსკოვის მიმართულებით ბაქო-თბილისი-ყარსის გავლით პირველი საექსპორტო მატარებელი გავიდა.

მატარებელი 15 კონტეინერისგან შედგება, თითოეული 40 ფუტიანია და საყოფაცხოვრებო საქონლით არის დატვირთული. ტვირთი რუსეთში, ვორსინოს სადგურში შევა. 4 650 კმ-ის გავლას მატარებელი 8 დღეში გეგმავს. მთლიანი ტვირთის მოცულობა 150 ტონაა 

თურქეთიდან ბაქო-თბილისი-ყარსის მეშვეობით რუსეთის მიმართულებით ტვირთების გადამისამართება აზერბიჯან-თურქეთ-რუსეთს შორის მიღწეული ხელშეკრულების საფუძველზე მოხდა.

გადაზიდვების ოპერატორი კომპანიებია Pacific Eurasia Logistics (თურქეთი), GR Logistics (საქართველო), ADY Container (აზერბაიჯანი) და JSC Russian Railways Logistics (რუსეთი).

შეგახსენებთ, რომ ბაქო-თბილისი-ყარსის გავლით თურქეთიდან ჩინეთის მიმართულებით (ქალაქი სიანი) გასულ წელს 2-მა საკონტეინერო მატარებელმა გაიარა.