ავტომობილების პროფკავშირმა Ford-თან სავარაუდო გარიგებას მიაღწია

ავტომობილების გაერთიანებული პროფკავშირების ლიდერებმა Ford-თან სავარაუდო გარიგებას მიაღწიეს.

შეთანხმება სრულ განაკვეთზე დასაქმებულთათვის გულისხმობს ხელფასების ზრდას მინიმუმ 30%-ით და შეიძლება, გაორმაგდეს სხვა თანამშრომლებისთვის. მათი განცხადებით, ეს პროფკავშირის  გამარჯვებაა ბრძოლაში, რომელიც 15 წელია გრძელდება.

ახალი გარიგება მოიცავს 8,1 მილიარდ დოლარის ჩადებას საწარმოო ინვესტიციებში, რაც საშუალებას გააჩენს დასაქმებულებისთვის 70,000 დოლარამდე დამატებითი ანაზღაურება გამოიყოს კონტრაქტის ორი წლის განმავლობაში.

დანახარჯების დაზოგვის დებულებები, რომელიც მოიცავდა კომპონენტების ქარხნებში მომუშავეთათვის ნაკლებ ანაზღაურებას, ვიდრე მანქანების აწყობაზე მომუშავეთათვის - გაუქმდა.

დროებითი მუშებისთვის ანაზღაურება გაორმაგდება. მუდმივი თანამშრომლებისთვის კი, ხელფასის დონე 2028 წლისთვის 30%-ზე მეტად, საათში 42,60 დოლარამდე გაიზრდება. გაიზრდება საარსებო ანაზღაურების ღირებულებაც.

სანაცვლოდ, Ford მიიღებს შესაძლებლობას $50,000-იანი შეუზღუდავი რაოდენობის აქციები ყველაზე მაღალანაზღაურებად ხანდაზმულ მუშაკებს შესთავაზოს. კომპანიას შეეძლება ისინი ახალგაზრდა დაქირავებულებით შეცვალოს, რომლებიც სამი წლის განმავლობაში შედარებით, დაბალ ანაზღაურებას მიიღებენ. ახალ დაქირავებულებს რვა წელი დასჭირდათ უმაღლესი ხელფასის მისაღწევად.

United Auto Workers-ის პროფკავშირმა მსოფლიოში Ford-ის უდიდესი ქარხანა თვის დასაწყისში დახურა და  მომგებიანი პიკაპების წარმოება შეაჩერა.

UAW-მ განაცხადა, რომ Ford's Kentucky-ის სატვირთო ქარხანაში პროფკავშირის 8700 წევრი გაიფიცა მას შემდეგ, რაც პროფკავშირისთვის ცნობილი გახდა, რომ აშშ-ის ნომერ მეორე ავტომწარმოებელმა ხელშეკრულების შემდგომ გაგრძელებაზე უარი განაცხადა.