GLC-ის ახლადემიტირებულ ფასიან ქაღალდებზე მაღალი მოთხოვნაა
საქართველოს სალიზინგო კომპანიის (GLC) ახლადემიტირებულ ფასიან ქაღალდებზე მაღალი მოთხოვნაა.
ბოლო ერთი კვირის განმავლობაში კომპანიის $266 253-ის და €64 929 გარიგება დაიდო, ნომინალური ღირებულებით შესაბამისად $1 016, €1 014 დოლარი.
საქართველოს სალიზინგო კომპანიამ ახალი 12 მლნ დოლარის და 3 მლნ ევროს ობლიგაციები საფონდო ბირჟის სავაჭრო სისტემაში აგვისტოში განათავსა.
დოლარის ობლიგაციების ფიქსირებული საპროცენტო განაკვეთი (კუპონი) წლიურ 5.75%-ს შეადგენს, წელიწადში ოთხჯერ გადახდით. დაშვებულია ბირჟის B კატეგორიის ლისტინგში; დაფარვის ვადაა 2023 წლის 12 ივლისი, მიენიჭა სავაჭრო კოდი - $GLC06N.
ევროს ობლიგაციები ასევე დაშვებულია ბირჟის B კატეგორიის ლისტინგში; დაფარვის ვადაა 2023 წლის 12 ივლისი, მიენიჭა სავაჭრო კოდი - @GLC07N. ობლიგაციების ფიქსირებული საპროცენტო განაკვეთი (კუპონი) წლიურ 4.75%-ს შეადგენს, წელიწადში ორჯერ გადახდით.
ემიტენტის ცნობით, ობლიგაციების განთავსებით მიღებული შემოსავლები გამოყენებულ იქნება 2019 წლის აგვისტოში გამოშვებული 10 მლნ დოლარის ობლიგაციების რეფინანსირებისთვის, დანარჩენი თანხა ინვესტირდება კომპანიის საბრუნავ კაპიტალში.
