ღარიბაშვილი: ძალიან პოზიტიური სიგნალი და მოლოდინი მოდის ბიზნესიდან

პრემიერ მინისტრმა ირაკლი ღარიბაშვილმა,პლენარულ სხდომაზე აღნიშნა, რომ ძალიან პოზიტიური სიგნალი და მოლოდინი მოდის ბიზნესიდან.

"მოგეხსენებათ, რომ აპრილში უპრეცედენტო 48%-იანი ეკონომიკური ზედა გვქონდა. ხოლო მაისში ველოდებით 25%-ს. ამასთან, გრძელდება ლარის გამყარების პროცესი და ეს ყველაფერი გვაძლევს ოპტიმიზმის საფუძველს, რომ ინფლაცია დაიკლებს."– განაცხადა, პრემიერ მინისტრმა.  

ინფორმაციისთვის, სტატისტიკის ეროვნული სამსახურის წინასწარი შეფასებით, 2021 წლის აპრილში ეკონომიკა 44.8%-ით გაიზარდა, 2021 წლის ოთხი თვის საშუალო მაჩვენებელი კი 8.1%-ია.

ზრდა შეინიშნებოდა შემდეგ დარგებში: დამამუშავებელი მრეწველობა, მშენებლობა, ვაჭრობა, ტრანსპორტი და დასაწყობება, სასტუმროები და რესტორნები, საფინანსო და სადაზღვევო საქმიანობა, უძრავ ქონებასთან დაკავშირებული საქმიანობა, პროფესიული, სამეცნიერო და ტექნიკური საქმიანობა.

კლების ტენდენცია დაფიქსირდა სამთომოპოვებითი მრეწველობის დარგში.