WEEKSy - თანამშრომლების მიერ შესრულებული სამუშაო საათების აღრიცხვის თანამედროვე სისტემა
დასაქმებულთა სამუშაო საათების აღრცხვისათვის ბაზარზე ახალი შეთავაზება გაჩნდა. Weeksy, რომელიც ადამიანური რესურსების მართვისათვის შეიქმნა, კომპანიებს თანამშრომელთა დასწრებისა და შესრულებული სამუშაოს აღრიცხვას უმარტივებს.
პროგრამა თანამედროვე ტექნოლოგიაზეა აწყობილი, მარტივი ინტერფეისი აქვს და ნებისმიერი ზომისა თუ მიმართულების კომპანიისთვისაა ხელმისაწვდომი.
კომპანიაში ცდილობენ, სისტემა ყველა სახის აპარატულ თუ პროგრამულ ნაწილს მოარგონ. პროგრამას ასევე აქვს ისეთი მოდულებიც, როგორიცაა HR ადმინისტრირება, ხელფასების ავტომატური დაანგარიშება და სხვა. ერთ თვეში კი ამ ჩამონათვალს აპლიკაციაც დაემატება.
პროგრამის მინიმალური საფასური თვიურად 20 ლარს შეადგენს. თითო თანამშრომლისთვის კომპანიას 2 ლარის გადახდა მოუწევს.
კომპანია Fina-ს ახალი პროდუქტი ამ ეტაპზე შიდა ტესტირებას გადის. მისი გამოყენება კომპანიებს 25 თებერვლიდან შეეძლებათ.
