ბიზნესი
01/04/2023
"ტკბილი ქვეყანა" სააღდგომო პასკებზე გაყიდვების 20%-იან ზრდას ელის
„ტკბილ ქვეყანა“ გასულ წლებთან შედარებით, სააღდგომო პასკებზე გაზრდილ მოთხოვნას ელის.
კომპანიის ფინანსური დირექტორი კახა ყრუაშვილი „ბიზნესპარტნიორთან“ აცხადებს, რომ მიმდინარე წელს ტკბილეულის რეალიზაციის მაჩვენებელი 20%-30%-ითაა გაზრდილი, შესაბამისად, კომპანიას პასკებზე გაყიდვების 20%-იან ზრდის მოლოდინი აქვს.
ყრუაშვილის ინფორმაციით, წელს ასორტიმენტი უფრო მრავალფეროვანი გახდება. ქსელში აქტიურად იქნება წარმოდგენილი გასული წლის საცდელი პროდუქტი - კარაქზე დამზადებული პასკები და ასევე ტრადიციულ პასკებს ქიშმიშითა და ცუკატებით დაემატება გრამაჟული არჩევანიც.
როგორც „ტკბილ ქვეყანაში“ აცხადებენ, წელს პასკის ფასები დაკორექტირდა. კახაბერ ყრუაშვილის თქმით, შესაფუთი მასალების გაძვირების ფონზე, პასკები დაახლოებით 3% -ით გაძვირდება. თუმცა, კომპანიაში ფიქრობენ, რომ ქვეყანაში შემცირებული მსყიდველთუნარიანობა რეალიზაციის მაჩვენებელზე გავენას არ მოახდენს.
„ქვეყანაში შემცირებული მსყიდველთუნარიანობა შესაძლოა კარაქზე დამზდებულ პასკებზე აისახოს, რომლებიც ქსელში 25 ლარიდან ზემოთ ეღირება. თუმცა, ტრადიციული პასკების გაყიდვებზე პრობლემა არ შეიქმნება, რადგან ეს პროდუქტი შედარებით ბიუჯეტურია. ამასთან, გაზრდილია ტკბილეულის რეალიზაციის მაჩვენებელიც “ - ამბობს კახაბერ ყრუაშვილი.
