Team Up შვეიცარიის ბაზარზე შედის
გერმანულ-ქართული კომპანია Team Up მიმდინარე წლის 1 კვარტალში შვეიცარიის ბაზარზე შევა. ამ ეტაპზე კომპანია მოლაპარაკებებს შვეიცარიულ რამდენიმე კომპანიასთან აწარმოებს და მათთვის დისტანციურ გუნდებს აკომპლექტებს.
Team Up-ის მიმდინარე წლის გეგმებში სკანდინავიის ქვეყნებში შესვლაც შედის. ბაზრის მოკვლევის დასრულების შემდეგ კომპანია გაყიდვებს დაიწყებს.
ცნობისთვის, გერმანულ-ქართული კომპანია Team Up ევროპული კომპანიებიში ოპერაციების, დიზაინის, მარკეტინგისა და ტექნოლოგიების მიმართულებით ქართველ ტოპ ტალანტებს ასაქმებს.
კომპანია 2020 წლის დასაწყისიდან ოპერირებს და ამ ეტაპზე 60-ზე მეტი ადამიანი ყავს დასაქმებული, 2022 წელს კი დასაქმებულთა რაოდენობის გაორმაგებას პროგნოზირებს. Team Up დღეის მდგომარეობით 4 ქვეყანაში - გერმანაში, ავსტრიაში, ლატვიასა და დიდ ბრიტანეთში ოპერირებს.
