თამუნა შარაშენიძე: კომენდანტის საათის გადაწევა სალონებში მომხმარებელთა რაოდენობას გაზრდის
კომენდანტის სათის 21:00-დან 23:00 საათამდე გადაწევა სილამაზის სალონებში მომხმარებელთა რაოდენობას გაზრდის. როგორც სილამაზის სალონების ფედერაციის პრეზიდენტი, თამუნა შარაშენიძე ბიზნესპარტნიორთან განმარტავს, აღნიშნული სალონებს იმ მომხმარებლების მიღებაში დაეხმარება, რომლებიც სამსახურს გვიან ასრულებდნენ.
„გადაწყვეტილება საგრძნობლად გააუმჯობესებს ჩვენს მდგომარეობას და რა თქმა უნდა გაიზრდება მომხმარებელთა რაოდენობა. ისევე როგორც ყველასთვის ჩვენთვის პრობლემატური იყო საღამოს ჩაწერები, ვერ ვახერხებდით იმ ადამიანების მომსახურებას, რომლებიც სამსახურიდან საღამოს საათებში თავისუფლდებიან. ასევე, გაგვიადვილდება თანამშრომლების ტრანსპორირების საკითხიც, რომლებიც უკვე დამოკიდბული არიან საზოგადოებრივ ტრანსპორტზე, რადგან არ ყავთ საკუთარი ავტომობილები,“ - ამბობს თამუნა შარაშენიძე.
შეგახსენებთ, საკოორდინაციო საბჭოს გადაწყვეტილებით, გადაადგილებაზე შეზღუდვა შემსუბუქდა. კომენდანტის საათი ძალაში 23:00 საათიდან 05:00 საათამდე იქნება.
