სნეპ ფიტნესი: ინტენსიური ვარჯიშების დროს პირბადის გამოყენება არ განიხილება
„დავინახეთ, რომ გახსნისთვის მზაობა არსებობს,“ - ასე აფასებს ფიტნეს დარბაზების წარმომადგენლების სამთავრობო გუნდთან შეხვედრას „სნეპ ფიტნესის“ ქსელის დირექტორი, სოფო სოლოღაშვილი.
როგორც შეხვედრიდან გახდა ცნობილი, სპორტ დარბაზებისთვის ძალაში რჩება ის რეგულაციები, რომლებიც კორონავირუსის გავრცელების პრევენციისთის უკვე არის შემუშავებული. ამასთან, ფიტნეს დარბაზებს დაემატათ თანამშრომელთა კოვიდ ტესტირების ვალდებულება.
სოფო სოლოღაშვილის ინფორმაციით, ფიტნეს დარბაზებს მოუწევთ ორ კვირაში ერთხელ თანამშრომელთა 20%-30%-ის ანტიგენის სწრაფი ტესტის ჩატარება.
როგორც „სნეპ ფიტნესის“ ქსელის დირექტორმა "ბიზნესპარტნიორთან" აღნიშნა, სახელმწიფოს სექტორისთვის პროტოკოლის გამკაცრება სურს, რაც მოვარჯიშეებისთვის გარკვეულ ზონებში პირბადის ტარების ვალდებულებას გულისხმობს. თუმცა უნდა აღინიშნოს, რომ პირბადის ტარების წესის გამკაცრება ინტენსიურ ვარჯიშების შემთხვევაში არც განიხილება.
„ახლა ჩვენგან ელოდებიან იმ ვარჯიშების ჩამონათვალს თუ რომელია ინტენსიური და რომელი ნაკლებად ინტენსიური. ელიან სამუშაო ფაილს, ჩვენს ოფერს. შემდგომ ისინი განიხილავენ ჩვენს ვერსიას და დაგვიბრუნდებიან. ეს მოხდება დღეს ან ხვალ,“ - ამბობს სოფო სოლოღაშვილი.
ცნობისთვის, ფიტნეს დარბაზების წარმომადგენლები შრომის პირობების ინსპექტირების დეპარტამენტის უფროს ბექა ფერაძეს და ბიზნესომბუდსმენის მოვალეობის შემსრულებელ ნინო კვეტენაძეს შეხვდნენ. შეხვედრას ასევე ესწრებოდნენ ვასილ ლიპარტელიანი სპორტის სამინისტროდან დ ავით წერეთელი ეპიდემიოლოგიური სამსახურიან.
