შოთა ბურჯანაძე: საქართველოს ლოქდაუნის ფუფუნება არ აქვს

რესტორატორთა ასოციაცია რეგულაციების დაცვით საქმიანობის განახლებას ითხოვს. რესტორატორთა ასოციაციის ინფორმაციით, ქვეყანაში რესტორნების უმრავლესობა უკვე დახურულია. 10 000-მდე კვების ობიექტიდან კი დღეს მხოლოდ 10% ფუნქციონირებს.

ასოციაციის ხელმძღვანელის, შოთა ბურჯანაძის განცხადებით, თუ სფერო დროულად არ გაიხსნება, რეგულაციების მოხსნის შემდეგ, კვების ობიექტების 99% საქმიანობის გაგრძელებას ვერ შეძლებს.

შოთა ბურჯანაძის განცხადებით, გაერთიანებული ბიზნეს სექტორი საზოგადოებრივი ტრანსპორტის ფუნქციონირების აღდგენას, საკურორტო ზონების სრულყოფილ გახსნას და რესტორნების ფუნქციონირების აღდგენას ითხოვს, რასაც სახელმწიფოს ჩართულობა და ადმინისტრირება სჭირდება.

„ჩვენი მოთხვნა არის, რომ დღეს არსებულ ეპიდემიოლოგიურ მდგომარეობაში სახლებში კი არ დაგვსვან, არამედ გვასწალონ ამ მდგომარეობაში როგორ ვიფუნქციონიროთ,“ - ამბობს შოთა ბურჯანაძე.

ფოტო: dw.com