სალონების ფედერაცია: სტილისტების ბინაზე მომსახურება საფრთხის შემცველია
საქართველოს სალონების ფედერაცია სილამაზის ინდუსტრიაში რეგულაციების დაწესებას მოითხოვს.
ფედერაციამ ჯანდაცვის სამინისტროს უკვე მიმართა. ამავდროულად რეგულაციების შემუშავებასთან დაკავშირებით ფედერაცია თბილისის მერიასა და ეკონომიკის სამინისტროსთანაც გეგმავს თანამშრომლობას.
როგორც ფედერაციის პრეზიდენტმა "ბიზნესპარტნიორთან" განაცხადა, გამძაფრებულია პრობლემა სილამაზის სალონების სპეციალისტების ე. წ. ბინებზე მომსახურების გაწევასთან დაკავშირებით.
თამუნა შარაშენიძის თქმით, ასეთი ტიპის საქმიანიბა რისკის შემცველია არა მხოლოდ პანდემიის პირობებში, არამედ სხვადასხვა ინფექციების გავრცელების კუთხითაც.
ფედერაციის პრეზიდენტის განცხადებით, საქართველოში სილამაზის ინდუსტრიაში მსოფლიო სტანდარტების შესაბამისი რეგულაციების შემუშავებაა საჭირო, რომელთა შედგენაშიც ფედერაცია მზადაა აქტიურად ჩაერთოს.
