საქართველოს ფოსტა საკურიერო მომსახურების არეალს აფართოებს
საქართველოს ფოსტა სახმელეთო ამანათებისთვის საკურიერო მომსახურების არეალის კიდევ უფრო გაფართოებას გეგმავს. ამასთან, ქალაქ პრაღას საშუალებით, საფოსტო ოპერატორი სატრანზიტო ტვირტების მომსახურებასაც აპირებს.
როგორც საქართველოს ფოსტის გენერალურმა დირექტორმა „ბიზნესპარტნიორთან“ განაცხადა, პრაღა ევროპული ქვეყნებისთვის პროდუქციის მიწოდების უფრო მარტივ საშუალებას იძლევა. ლევან ჩიკვაიძის თქმით, 2021 წელს ამ პროექტების დიდი შემადგენელი უკვე განხორციელებული იქნება.
ცნობისთვის, დღეის მდგომარეობით, საქართველოს ფოსტა სახმელეთო ამანათების ტრანსპორტირებას საბერძნეთში, იტალიაში, ესპანეთსა და საფრანგეთში ახორციელებს. ლევან ჩიკვაიძის განმარტებით, იტალია და საფრანგეთი დანარჩენ ევროპულ ქვეყნებზე გასვლის მეტ საშუალებას იძლევა.
ამასთან, საქართველოს ფოსტა, სახმელეთო გზით პროდუქციის გაცვლას, მსოფლიო საფოსტო კავშირის ტარიფებზე დაბალ ფასად უზრუნველყოფს.
