Phubber-ი 2021 წლიდან უკრაინის ბაზარზე შედის
ციფრული პლატფორმა Phubber-ი უკრაინის ბაზარზე ოპერირების დაწყებას 2021 წლის პირველ კვარტალში გეგმავს. კომპანიამ ახალი ეტაპისთვის მზადება უკვე დაიწყო. როგორც Phubber-ის დამფუძნებელი გიორგი ჩუგოშვილი აცხადებს, პირველ ეტაპზე წარიმართება ჩაკეტილი სისტემის მქონე ოპერაციები, აეწყობა უკრაინის ბაზარზე და მოხდება ტექნოლოგიური გადაწყობა, რათა ნივთები, რომლებიც აიტვირთება საქართველოში, არ გამოჩნდეს უკრაინაში და პირიქით.
ჩუგოშვილის ინფორმაციით,სამომავლოდ იგეგმება ისეთი ინსტრუმენტების შექმნაც, რომელიც ამ ბარიერს მოხსნის. ქართველ დიზაინერებს კი კომპანია ახალ სერვისს შესთავაზებს.
მისი განცხადებით,უკრაინაში ოპერირების დაწყების პირველივე დღიდან Phubber-ი ქართველ დიზაინერებს საშუალებას მისცემს, მიაწოდონ საკუთარი პროდუქცია უკრაინელ მომხმარებლებს. ამისათვის კი კომპანია ქართველი დიზაინერების პროდუქციის ტრანსპორტირებასა და დასაწყობებას თავად უზრუნველყოფს. ამასთან, აქტიურად დაიწყება ძვირდარღირებული ნივთების გადაყიდვის მიმართულება.
როგორც Phubber-ის დამფუძნებელმა „ბიზნესპარტნიორთან“ განაცხადა, ჯამური ინვესტიცია, რომელიც საქართველო-უკრაინის ბაზრის განვითარებას მოხმარდება, ნახევარი მილიონი ლარი იქნება. რაც შეეხება კომპანიის სამომავლო გეგმებს, უკრაინის ბაზრის ათვისების შემდეგ Phubber-ი ოპერირების დაწყებას აზერბაიჯანსა და ყაზახეთში განიხილავს.
შეგახსენებთ, Phubber-ი 2019 წელს ამოქმედდა და დღეს, საქართველოში, ტანსაცმლისა და ფეხსაცმლის ყველაზე დიდი ონლაინ მაღაზიაა.
