მომავალი წლიდან "ჩიკატაის" მუსიკალური სათამაშოები ევროკავშირის ბაზარზე გაიყიდება
ქართული კომპანია „ჩიკატაი“ ხელნაკეთი მუსიკალური სათამაშოების ექსპორტზე გატანას გეგმავს.
როგორც კომპანიის დამფუძნებელმა თამარ ბუიღლიშვილმა გადაცემა „ბიზნესპარტნიოში“ განაცხადა, ექსპორტის მიმართულებით კომპანია ძირითად აქცენტს ევროკავშირის ბაზარზე გააკეთებს.
ამასთან, კომპანიის ელექტრონული კომერციის მიმართულებითაც გააქტიურებას გეგმავს. კერძოდ, „ჩიკატაი“ აპირებს პროდუქცია მსოფლიოს ნებისმირი კუთხისთვის ონლაინ ხელმისაწვდომი გახადოს.
თამარ ბირლიშვილის განმარტებით, აღნიშნული არა მხოლოდ სათამაშოების ექპორტს, არამედ ქართული კულტურის ნაწილის გატანასაც მოიაზრებს საერთაშორისო ბაზრებზე.
აღსანიშნავია, რომ კომპანიამ ახალი ხაზიც დაამატა, რომელიც ძველი ქართული ქსოვილის მოხატულობას აცოცხლებს.
შეგახსენებთ, რომ ხელნაკეთი მუსიკალური სათამაშოების მწარმოებელი კომპანია „ჩიკატაი“ ბაზარზე 2017 წლიდან გამოჩნდა. კომპანიას წარმატება გია ყანჩელის მელოდიამ მოუტანა, რომელსაც სათამაშაოები აჟღერებენ. „ჩიკატაის“ პროდუქცია ეკოლოგიურად სუფთა მასალებისგან იქმნება.
