მობილურ ოპერატორებს შემოსავალი შეუმცირდა

მობილურ ოპერატორებს შემოსავალი შეუმცირდა. მაისში წლიური კლება ₾4 მლნ-მდე იყო, ბოლო 1 თვეში კი, 2.6 მლნ-იანი ზრდაა.

3 მობილური ოპერატორის შემოსავალი მაისში 36.76 მლნ ლარს შეადგენდა, საიდანაც უდიდესი წილი 16.64 მლნ მაგთიკომზე მოდის. შემდეგ პოზიციაზეა სილქნეტი - 13.2 მლნ და ვიონი საქართველო 6. 82 მლნ.

კომპანიებმა 5 თვეში ჯამში  191 მლნ ლარის შემოსავავლი მიიღეს. ერთი აბონენტის საშუალო თვიური დანახარჯი კი, მაისში 7.75 ლარი იყო.  მაისის მონაცემებით, მობილური ინტერნეტით 2,5მლნ-ზე აბონენტი სარგებლობდა. ჯამურმა მოხმარებამ ახალ რეკორდულ ნიშნულს მიაღწია და 15.72  ტერაბაიტი შეადგინა.