კასპის საკონსერვო ქარხანის საექსპორტო მიმართულებებს ავსტრალიაც ემატება

ასპის საკონსერვო არხანა საექსპორტო მიმართულებებს აფართოებს.

როგორც კომპანიის დირექტორმა ოთარ მერებაშვილმა „ბიზნესპარტნიორს“ განუცხადა, საწარმოს თითქმის ყველა დასახელების პროდუქცია ავსტრალიაში სადეგუსტაციოდ ორი დღის წინ გავიდა.

რაც შეეხება რეალიზაციის მაჩვენებლებს, როგორც ოთარ მერებაშვილი განმარტავს, ზაფხულში გაყიდვები ყოველ წელს კლებულობს, განსაკუთრებული ზრდა სექტემბრიდან აპრილამდე ფიქსირდება.

კასპის საკონსერვო ქარხანა მიმდინარე წელს, გასულ წელთან შედარებით, რეალიზაციის მაჩვენებლების 30% - 50% -იან ზრდას ელის.

შეგახსენებთ, კასპის საკონსერვო ქარხანა (შპს TMT) 2006 წელს, კასპის საკონსერვო კომბინატის ბაზაზე დაფუძნდა, რომელიც 1961 წლიდან ფუნქციონირებდა. კომპანია აწარმოებს ნატურალურ, ეკოლოგიურად სუფთა და უსაფრთხო   პროდუქციის ნაირსახეობებს.

დღესდღეობით TMT-ს პროდუქცია წარმოდგენილია როგორც მსხვილ სუპერმარკეტებში, ისე მსხვილ ქსელებში. 2008 წლიდან კომპანია აწარმოებს ექსპორტს ისეთ ქვეყნებში როგორიცაა გერმანია, ავსტრია, ჩეხეთი და სხვა.