ბერეტების მწარმოებელმა კომპანია Red-მა წარმოების ახალი ხაზი - Redstone გაუშვა
ბერეტების წარმოებით ცნობილმა კომპანია Red-მა წარმოების ახალი ხაზი - Redstone გაუშვა, რომლის სამკაულებიც მთლიანად ბუნებრივ ქვებზეა აგებული.
როგორც Red-ის დამფუძნებელი თამარ მაჭავარიანი „ბიზნესპარტნიორთან“ აღნიშნავს, პადემიის ფონზე, კოვიდთან ბრძოლაში “რედმა“ საკუთარი წვლილის შეტანა გადაწყვიტა. კომპანიის ხელწერით შექმნილი აბრეშუმის პირბადეები, რომლებიც ხელით იკერება და იქარგება, უკვე დიდი პოპულარობით სარგებლობს.
RED-ის მრავალფეროვან ასორტიმეტში საზაფხულო დაწნული ქუდები მთელი სეზონი, ბერეტებზე მეტი პოპულარობითაც კი სარგებლობდა.
როგორც მაჭავარიანი აცხადებს, ხელით ნაქარგი კაბების geo fashion lab–ში შეტანა მოესწრო, თუმცა, სხვა მაღაზიების ათვისებაში ხელი პანდემიამ შეუშალა.
ონლაინ გაყიდვები გრძელდება, თუმცა red-ში იმედოვნებენ, რომ ასეთი გაყიდვები დიდხანს არ გასტანს და პროდუქცია სხვა მაღაზიების დახლებზეც მალე გამოჩნდება.
ამ ეტაპზე კი პროდუქცია რეგიონებში ფოსტით იგზავნება, ხოლო თბილისში Red-ი რამდენიმე საკურიერო კომპანიასთან თანამშრომლობს. „ცოტა რთულია პანდემიის გამო სამომავლო გეგმებზე საუბარი მაგრამ Red-ი მომავალში მთლიანად აპირებს, რომ ტანსაცმლის ხაზზე გადავიდეს.“ - ამბობს თამარ მაჭავარიანი.
