"ალტერსოქსის" წინდები შესაძლოა ქუთაისის აეროპორტშიც გაიყიდოს
წინდების მწარმოებელი ქართული კომპანია "ალტერსოქსის" წინდები ქუთაისში სავაჭრო ცენტრებში უკვე იყიდება. ახლა კომპანია წინდების შეტანას ქუთაისის აეროპორტშიც გეგმავს.
როგორც „კომპანიის თანადამფუძნებელმა, რეზი ბესელაშვილმა „ბიზნესპარტნიორს“ განუცხადა, კომპანია, ამ ეტაპზე, ქუთაისის აეროპორტთან მოლაპარაკებებს აწარმოებს.
შეგახსენებთ, "ალტერსოქსი" ქართველი ცოლ-ქმრის ორიგინალური სტარტაპია, რომელიც დაახლოებით 8 წლის წინ გამოჩნდა ქართულ ბაზარზე. კომპანია მომხმარებლებს გამორჩეულ, ფერად და სახალისო წინდებს სთავაზობს.
დღეს „ალერსოქსი“ თბილისის ბაზარზე 6 სტენდითაა წარმოდგენილი. კომპანია ბათუმში ფლობს 1 ბრენდულ მაღაზიას და ასევე, საქართველოში პირველ და ერთადერთ ვენდინგ მანქანას თბილისის საერთაშორისო აეროპორტში. საქართველოში წარმოებული წინდები საკმაოდ წარმატებით იყიდება ევროპის ბაზარზეც.
