ბიზნესი
18/04/2023
"ალტერსოქსის" წინდები კანში, მონრეალსა და ნიცაში გაიყიდება
წინდების მწარმოებელი ქართული კომპანია "ალტერქსოქსი", მიმდინარე წელს, წინდებს საფრანგეთში, ტურისტულ ლოკაციებში გაიტანს.
როგორც კომპანიის თანადამფუძნებელმა, რეზი ბესელაშვილმა „ბიზნესპარტნიორთან“ აღნიშნა, ფრანგ პარტნიორებთან თანამშრომლობით, ქართული წინდები კანში, მონრეალსა და ნიცაში გაიყიდება.
„საფრანგეთში გვყავდა პარტნიორი, რომელიც მხოლოდ და მხოლოდ Amazon-ზე ყიდდა ჩვენს წინდებს. ახლა კი ტურისტულ ადგილებშიც ვაპირებთ გატანას. საფრანგეთისთვის განკუთვნილი წინდები დავამუშავეთ. ჯერ ციფრული ვერსიებია და უნდა გავაკეთოთ რეალური ვარიანტები. პროდუქციას სავარაუდოდ, მაისში გავაგზვანით,"-აცხადებს რეზი ბესელაშვილი.
შეგახსენებთ, "ალტერსოქსი" ქართველი ცოლ-ქმრის ორიგინალური სტარტაპია, რომელიც დაახლოებით 8 წლის წინ გამოჩნდა ქართულ ბაზარზე. კომპანია მომხმარებლებს გამორჩეულ, ფერად და სახალისო წინდებს სთავაზობს.
დღეს „ალერსოქსი“ თბილისის ბაზარზე 6 სტენდითაა წარმოდგენილი. კომპანია ბათუმში ფლობს 1 ბრენდულ მაღაზიას და ასევე, საქართველოში პირველ და ერთადერთ ვენდინგ მანქანას თბილისის საერთაშორისო აეროპორტში. საქართველოში წარმოებული წინდები საკმაოდ წარმატებით იყიდება ევროპის ბაზარზეც.
