Wanderlust საქართველო 2022 წლის საუკეთესო ტურისტულ მიმართულებად დაასახელა

ბრიტანეთის უმსხვილესმა სამოგზაურო ჟურნალმა Wanderlust საქართველო 2022 წლის საუკეთესო ტურისტულ მიმართულებად დაასახელა.

Most Desirable Emerging Destination ჯილდო Wanderlust-ის ყოველწლიურ დაჯილდოებაზე საქართველოს ეკონომიკის სამინისტროს ტურიზმის ეროვნულ ადმინისტრაციასა და დიდ ბრიტანეთში საქართველოს ელჩს გადაეცა.

გავლენიანი ბრიტანული გამოცემა მოგზაურობის შესახებ ამზადებს სტატიებსა და გამოკითხვებს. ყოველწლიურად ბრიტანული გამოცემა საუკეთესო ტურისტულ მიმართულებებს ასახელებს. Wanderlust მკითხველს ეხმარება მოგზაურობის დაგეგმვაში, საიტის საშუალებით ინფორმაციას უზიარებს მიმართულებების შესახებ. სოციალურ ქსელებში Wanderlust-ს 200 ათასამდე გამომწერი ჰყავს, თითოეულ მასალას კი 100 ათასამდე ადამიანი კითხულობს.