ტურიზმი
12/09/2023
ვალერი ჩეხერია: სექტემბრიდან საკონფერენციო სივრცეების დატვირთულობა გაზრდილია
„რუმსის“აღმასრულებელი დირექტორის ინფორმაციით, სექტემბრიდან საკონფერენციო სივრცეების დატვირთულობა გაზრდილია.
როგორც ვალერი ჩეხერიამ „ბიზნესპარტნიორთან“ საუბრისას განმარტა, MICE ტურიზმის მომხმარებელთა ყველაზე დიდი რაოდენობა თბილისში ჩამოდის.
„ეს ჩვენი ერთერთი ახალი მიამრთულებაა, ბიზნეს ტურისტების ყველაზე დიდი რაოდენობა, 65% თბილისშია კონცენტრირებული. საკონფერენციო სივრცეების დატვირთულობა ზაფხულში ყოველთვის უფრო დაბალია, რასაკვირველია, ამ პერიოდში არ მოგზაურობენ. თუმცა სექტემბერი, რაც დაიწყო დატვირთულები ვართ. "ივენთების" მიმართულება ჩვენი ბრენდის ერთერთი მთავარი შემადგენელი ნაწილი იქნება,“-აღნიშნა ვალერი ჩეხერიამ.
მისივე განმარტებით, ღონისძიებების დაგეგმვა და მოწყობა "რუმსის" ობიექტების გარდა, სხვა სივრცეებშიც იქნება შესაძლებელი.
„სასტუმრო "რუმსს“ ნებისმიერ სხვა ობიექტზე შეუძლია უკვე ღონისძიების დაგეგმვა, დაწყებული კონფერენციით, დამთავრებული დაბადებისდღით, აღჭურვილი ვართ ყველა საჭირო ინვენტარით. ყველგან, სადაც იქნება მოთხოვნა გავაკეთებთ ივენთს. ეს ერთერთი ახალი მიმართულებაა აქვს "რუმსის" ბრენდს. ასე ძლიერად ამ კუთხით აქამდე არ ვიყავით წარმოდგენილები,“-აღნიშნა ვალერი ჩეხერიამ.
შეგახსენებთ, „რუმს ჰოტელი“ "აჭარა ჯგუფის" ჰოლდინგში შემავალი კომპანიაა, როლის ძირითადი საქმიანობა ქართული ბრენდის Rooms-ის სასტუმროების მართვა და სხვადასხვა მიმართულებით მათი განვითარება წარმოადგენს.
