ტურიზმი
23/02/2022
Pegasus Airlines-ი თბილისი-იზმირის მიმართულებით ფრენებს იწყებს
თურქული დაბალბიუჯეტიანი ავიაკომპანია Pegasus Airlines-ი ფრენების განხორციელებას ახალი მიმართულებით იწყებს.
ზაფხულის სანავიგაციო სეზონიდან, რეგულარული რეისები იზმირი - თბილისი - იზმირის საჰაერო ხაზზე შესრულდება.
სამოქალაქო ავიაციის სააგენტოში წარმოდგენილი ფრენის განაცხადის შესაბამისად, რეისები იზმირსა და თბილისს შორის 4 მაისიდან 29 ოქტომბრის ჩათვლით, კვირაში 2 სიხშირით, ყოველ ოთხშაბათს და კვირას განხორციელდება.
სამოქალაქო ავიაციის სააგენტომ ავიაკომპანიას ახალი მიმართულებით ოპერირების ნებართვა 22 თებერვალს მიანიჭა.
