ავთანდილ კასრაძე: EPAM-ი საქართველოში წლის ბოლომდე 1000 ადამიანს დაასაქმებს

ძალიან დიდია ინტერესი ისრაელიდან და გერმანიიდან კომპანიებისა, რომ ჩამოვიდნენ საქართველოში და გახსნან IT ოფისები, - ამის შესახებ ინოვაციებისა და ტექნოლოგიების სააგენტოს ხელმძღვანელმა პარლამენტში, დარგობრივი კომიტეტის სხდომაზე განაცხადა.

მისი თქმით, IT კომპანიებისთვის საგადასახადო შეღავათების დაწესების შემდეგ ქვეყანაში უკვე შემოვიდა 2 მსხვილი კომპანია EPAM-ი და Exadel-ი.

„EPAM-მა 1 კვირის წინ გვითხრა, რომ უკვე 100 ადამიანი დაასაქმეს საქართველოში. ეს არის მაღალანაზღაურებადი სამუშაო, რაც ძალიან მნიშვნელოვანია. ისინი ფიქრობენ, რომ წლის ბოლომდე მათთან დასაქმებულთა რაოდენობა 1000-ს ასცდება. ასეთივე ამბიციური გეგმები აქვს Exadel -ს“, - განაცხადა ავთანდილ კასრაძემ და აღნიშნა, რომ დაინტერესება სხვა ქვეყნებიდანაც მაღალია.

შეგახსენებთ, საქართველოს მთავრობის მიერ მიღებული გადაწყვეტილებით,  საერთაშორისო სტატუსის მქონე  IT კომპანიები მნიშვნელოვანი საგადასახადო შეღავათებით სარგებლობენ, რაც ითვალისწინებს როგორც საშემოსავლო, ისე - მოგების გადასახადის 5%-მდე შემცირებას, ასევე დივიდენდის 5%-იანი გადასახადისა და ქონების გადასახადის გაუქმებას