სტარტაპი Halo წარმოების გაზრდას გეგმავს

ქართული სტარატაპი Halo ინტერიერის დიზაინის მიმართულებით აქტიურ მუშაობას იწყებს.

როგორც სტარტაპის თანადამფუძნებელი ანა ერემეიშვილი "ბიზნესპარტნიორთან" აცხადებს, წარმოების გასაზრდელად კომპანია  ახალ სახელოსნოში გადავიდა, სადაც შესაძლებელია როგროც ნაკეთობების შექმნის პროცესის ნახვა, ისე - შეძენა.

"აქამდე თუ ძირითადად, სარკეზე ვმუშაობდით, ახლა ნამუშევრებში ხე და მეტალი სჭარბობს. სწორედ ამიტომ, თანამშრომლობა დავიწყეთ ავეჯის კოპანიასთან და ერთ-ერთ ქსელურ ჰიპერმარკეტთან. დამზადების პროცესი რამდენიმე ეტაპს გადის, დიზაინის და ფორმის შექმნის შემდეგ, იწყება ეპოქსიდის გადატანა, რაც ყველაზე მნიშვნელოვანი ნაწილია. საბოლოო სახის მისაღებად სპეციალურ ტექნიკას იყენებენ, ამის შემდეგ კი იწყება გაშრობის პროცესი. ამასთან, გაიზარდა მოთხოვნა და გაყიდვები.

რაც შეეხება სამომავლო გეგმებს, პირველ ეტაპზე დაინტერესებული ადამიანებითვის მასტერკლასების შეთავაზება იგეგმება, ასევე სარეალიზაციო არეალის გაფართოება და შემდეგ უკვე ქვეყნის გარეთ პროდუქციის გატანა."- აცხადებს ანა ერემეიშვილი.

შეგახსენებთ, რომ ქართული სტარატაპი Halo უკვე რამდენიმე წელია მომხმარებლებს ინტერიერისთვის განსხვავებულ და ორიგინალურ აქსესუარებს სთავაზობს. საქმე, რომელიც პოსტმანდემიურ პერიოდში მეგობრებმა ერთი პროდუქტით წამოიწყეს, დღეს უკვე 15-მდე სახეობის დეკორაციას აერთიანებს.