ვაკის პარკის რეაბილიტაცია იწყება
მომავალი კვირიდან ვაკის პარკის რეაბილიტაცია იწყება. პროექტი, მერიის ინფორმაციით, ეტაპობრივად განხორციელდება.
რეაბილიტაციის ფარგლებში ვაკის პარკისა და კასკადის პირვანდელი იერ-სახე შენარჩუნდება.
პარკის ფუნქციური ზონირების პროექტი, როგორც კახა კალაძემ განაცხადა, ბრიტანულმა კომპანიამ „სიბიეს სტუდიოზ“ დაამუშავა.
"იმის გათვალისწინებით, რომ ვაკის პარკის ცენტრალური ნაწილი შესულია კულტურული მემკვიდრეობის უძრავი ძეგლების ნუსხაში, არ შეგვიცვლია პარკის ისტორიული გეგმარება. პირიქით, რაც შემდგომ უხეში ჩარევების შედეგად დაემატა, იმასაც პირვანდელ მდგომარეობასთან შესაბამისობაში მოვიყვანთ“, - აღნიშნა კახა კალაძემ.
სამუშაოების ფარგლებში, სრულად შეიცვლება მიწისქვეშა კომუნიკაციები, სანიაღვრე სისტემა, განახლდება მწვანე საფარი და საპარკე ინფრასტრუქტურა, პარალელურად კი, შადრევნების კასკადის სამშენებლო სამუშაოები დაიწყება.
შეგახსნებთ, რომ მერიამ ვაკის პარკის რეაბილიტაციაზე დაახლოებით 20 მლნ დაიხარჯება.
