მომზადება/გადამზადების პროგრამებისთვის სახელმწიფო აკრედიტაციის მინიჭებამ მასზე მოთხოვნა გაზარდა

პირველი ფიტნეს აკადემიისთვის სახელმწიფოს მხრიდან აკრედიტაციის მინიჭებამ საერთაშორისო პარტნიორების თანამშრომლობის ინტერესი გამოიწვია. ამის შესახებ გადაცემაში „ბიზნესპარტნიორი“ აკადემიის დამფუძნებელმა, ვალიტა გორელჩაკიონმა ისაუბრა.

მისი ინფორმაციით, საერთაშორისო პარტნიორები აქამდე  თანამშრომლობაზე უარს ამბობდნენ, ვინაიდან არ არსებობდა სტანდარტები და ამ სფეროს აღიარება არ ჰქონდა, თუმცაღა როდესაც სახელმწიფომ გასცა აკრედიტაცია, მათ ფიტნეს  აკადემიასთან თანამშრომლობა გადაწყვიტეს.

„ სახელმწიფოს მხრიდან აღიარებამ ხელი შეუწყო სფეროში სტანდარტები შემომეტანა. მომხმარებლის მხრიდან მოთხოვნა ძალიან გაზრდილია და მესამე ნაკადზე უკვე 35 ადამიანი ჩაეწერა. „- აცხადებს გორელჩაკინი.

 საკუთარ გამოცდილებაზე გუდვილის HR დეპარტამენტისა და სასწავლო ცენტრის ხელმძღვანელმა, ხათუნა ჩხარტიშვილმა  კი აღნიშნა, რომ, ისინი ჰიპერმაკეტების სფეროში პირველები იყვნენ , რომლებმაც პროფესიულ განათლებას მხარი დაუჭირეს და კადრების გადამზადება დაიწყეს. მისი თქმით, განათლებაში ჩართულობამ კომპანიას მისცა განვითარების საშუალება.

„თუნდაც ბიზნესი იყო ვალდებლებაც გაქვს, რომ სიახლის საქმის კურსში იყო, გადმოიტანო, გაეცნო, განავითარო და განვითარდე.“-აღნიშნავს ჩხარტიშვილი.

აღსანიშნავია, რომ ჰიპერმარკეტების ქსელმა „გუდვილი“ 1000-ზე მეტი ადამიანი გადაამზადა.

შეგახსენებთ, საქართველოს განათლების, მეცნიერების, კულტურისა და სპორტის მინისტრის მიერ 2019 წლის 6 სექტემბერს დამტკიცდა არაფორმალური განათლების აღიარების წესი, რომლის მიზანი მთელი სიცოცხლის განმავლობაში სწავლის ხელშეწყობა იყო. არა­ფორ­მა­ლუ­რი გა­ნათ­ლე­ბის აღი­ა­რე­ბა პირს აძ­ლევს შე­საძ­ლებ­ლო­ბას, მო­ახ­დი­ნოს არა­ფორ­მა­ლურ გა­რე­მო­ში მი­ღე­ბუ­ლი ცოდ­ნის აღი­ა­რე­ბა, მი­ი­ღოს სრუ­ლი კვა­ლი­ფი­კა­ცია ან და­აგ­რო­ვოს კრე­დი­ტე­ბი კვა­ლი­ფი­კა­ცი­ის სა­მო­მავ­ლოდ მი­სა­ღე­ბად.