საზოგადოება
02/09/2021
ირაკლი ღარიბაშვილი: აცრა ერთადერთი გამოსავალია ჩვენი მოქალაქეების დასაცავად
აცრა არის ერთადერთი გამოსავალი რომ ჩვენი მოქალაქეები დავიცვათ შემდგომი გართულებებისგან, - ამის შესახებ პრემიერ-მინისტრმა ზესტაფონში, მეორე საჯარო სკოლაში, ვაქცინაციის ცენტრში განაცხადა, სადაც ვაქცინაციის პროცესს გაეცნო.
ირაკლი ღარიბაშვილს რეგიონში ვაქცინაციის მიმდინარეობის პროცესი ზესტაფონის "ჯეოჰოსპიტალსის" ამბულატორიული ცენტრის მენეჯერმა ლია ებანოიძემ გააცნო.
ვაქცინაციის ცენტრში დღეში 350-ზე მეტი ადამიანი იცრება. ცენტრი 23 აგვისტოდან ფუნქციონირებს და დღემდე 2848 ადამიანია აცრილი.
ცენტრში აცრა შეუძლიათ როგორც ვაქცინაციაზე რეგისტრირებულ მოქალაქეებს, ასევე იმ ადამიანებს, რომლებიც ცენტრს თვითდინებით მიმართავენ.
