საზოგადოება
11/05/2023
Imagine Dragons-ის ბილეთების გაყიდვა დღეს 16:00 საათიდან დაიწყება
Imagine Dragons-ის ბილეთების გაყიდვა დღეს 16:00 საათიდან დაიწყება, - ინფორმაციას Black Sea Arena-ს facebook-გვერდი ავრცელებს.
"Imagine Dragons-ის კონცერტზე ბილეთის ფასი 100 ლარიდან იწყება და 1000 ლარამდე მერყეობს. გვიხარია, რომ Starring Georgia-ს მთავარი პარტნიორები თიბისი და ვიზა გახდნენ. ამ პარტნიორობის ფარგლებში თიბისის ვიზა ბარათებით გადახდისას განსაზღვრული კატეგორიის ბილეთებზე ფასდაკლება იმოქმედებს.
ბილეთების შეძენას TKT.ge-ზე შეძლებთ, Star Ring-ის ბილეთების განსაზღვრული რაოდენობა შეგიძლიათ შეიძინოთ BSA.ge-ზე,"-აღნიშნულია ინფორმაციაში.
შეგახსენებთ, მიმდინარე წლის 31 აგვისტოს Starring Georgia-ს ფარგლებში ბენდი Imagine Dragons კონცერტს თბილისში, მიხეილ მესხის სტადიონზე გამართავს.
როგორც ცნობილია, საქართველოს პრემიერ-მინისტრის, ირაკლი ღარიბაშვილის გადაწყვეტილებით, Black Sea Arena-მ საქართველოში მასშტაბური კამპანია - Starring Georgia დაიწყო. კამპანიის მთავარი მიზანი ქვეყნის პოპულარიზაცია, საქართველოს ტურისტული, ეკონომიკური და კულტურული პოტენციალის გაძლიერებაა.
