Starbucks-ი წელს ბრიტანეთში 100 ახალ მაღაზიას გახსნის

Starbucks-ი დიდ ბრიტანეთში 100 ახალი მაღაზიის გახსნას გეგმავს, ხოლო არსებული კაფეების განახლებაში მილიონობით ფუნტის ინვესტიციას განახორციელებს,- ამის შესახებ BBC-ი წერს.

ეს გადაწყვეტილება ბრიტანეთში გაყიდვების ზრდამ განაპირობა, სადაც Starbucks-ს, 1998 წელიდან ოპერირებს და ქვეყანაში 1000-ზე მეტი მაღაზია აქვს.

ფირმა ასევე გეგმავს 300 ახალი მაღაზიის გახსნას ევროპაში, ახლო აღმოსავლეთსა და აფრიკაში.

როგორც კომპანიაში აცხადებენ, ბევრი სხვა ბიზნესის მსგავსად, Starbucks-საც ჰქონდა გამოწვევები, მათ შორის HGV დრაივერების ნაკლებობა, მიმწოდებლის ხარჯების ზრდა და გადაზიდვის შეფერხება.

Starbucks-მა თქვა, რომ პანდემიის შემდეგ, მისი მომხმარებლების ჩვევები შეიცვალა. შედეგად, ფირმა შეეცდება  თავისი ფილიალების რაოდენობა გაზარდოს.

გავრცელებული ინფორმაციით, Starbucks-ი გასულ წელ  თავისი ბრიტანული ბიზნესის გაყიდვას განიხილავდა, რადგან ის სხვა ქსელების გამო მზარდი კონკურენციის წინაშე აღმოჩნდა.

ცნობისთვის, მისი გაერთიანებული სამეფოს მაღაზიების დაახლოებით 70% იმართება ფრენჩაიზის სახით, დანარჩენი კი კომპანიის საკუთრებაშია.