Ryanair-ი ფრენებს არ განაახლებს, თუ თვითმფინავებში შუა ადგილი გაუქმდება

იმ შემთხვევაში, თუ COVID-19-თან ბრძოლის მიზნით თვითმფრინავში მგზავრების ჭადრაკისებულად განლაგების აუცილებლობა არ მოიხსნება, Ryanair-ი ფრენებს არ გააგრძელებს. შუა ადგილების უფუნქციოდ დატოვების იდეას ავიაკომპანიის უფროსი „იდიოტობას“ უწოდებს. მის პოზიციაზე BBC წერს.

მაიკლ ო’ლირი იმედს იტოვებს, რომ ფრენების 80% ოქტომბერში აღდგება, ოღონდ იმ შემთხვევაში, თუ დღეს არსებული აკრძალვები ივლისში შემსუბუქდება. გამოცემის ცნობით რაინეარის უფროსი დარწმუნებულია, რომ შუა, ცარიელი ადგილები პირველ რიგში, ვერ უზრუნველყოფს სოციალურ დისტანცირებას და ფინანსურადაც წამგებიანი იქნება. Michael O’Leary ამბობს, რომ თუ ეს აკრძალვა ირლანდიის მთავრობამ მიიღო, მაშინ მანვე უნდა გადაიხადოს თვითმფრინავის შუა ადგილების საფასური. წინააღმდეგ შემთხვევაში ავიაკომპანია ფრენებზე უარს განაცხადებს.

„66%-იანი დატვირთვის ფონზე ჩვენ ფულს ვერ გამოვიმუშავებთ“,- განაცხადა მაიკლ ო’ლირიმ Financial Times-თან.