Netflix-მა გამომწერების დაკარგვის შემდეგ 150 თანამშრომელი გაათავისუფლა

Netflix-მა დაახლოებით 150 თანამშრომელი გაათავისუფლა, სულ რაღაც ერთი თვის შემდეგ, რაც გასართობმა გიგანტმა განაცხადა, რომ პირველად კარგავს გამომწერებს ბოლო ათწლეულის განმავლობაში.

BBC-ის ინფორმაციით, Netflix-ის გადაწყვეტილება ძირითადად კალიფორნიის ოფისს შეეხება.

"ეს ცვლილებები ძირითადად განპირობებულია ბიზნესის საჭიროებებით და არა ინდივიდუალური მიზეზებით, რაც კიდევ უფრო რთულს ხდის სიტუაციას, არცერთ ჩვენგანს სურს გამომშვიდობოს კოლეგებს“, - ნათქვამია კომპანიის განცხადებაში.

აპრილში, სტრიმინგის გიგანტმა 200,000 აბონენტი დაკარგა და განაცხადა, რომ მომდევნო კვარტალში მოსალოდნელი იყო კიდევ ორი ​​მილიონი მომხმარებლის დაკარგვა.

ამ ამბავმა გამოიწვია ინვესტორების დაფრთხობა და ფირმის აქციები ერთ დღეში 35%-ით დაეცა. მისი სავაჭრო ფასებიც 46%-ით შემცირდა.