Meta-მ შემდეგი თაობის შერეული რეალობის VR სათვალე Quest 3 წარადგინა
Meta Platforms-ის აღმასრულებელმა დირექტორმა მარკ ცუკერბერგმა კომპანიის შემდეგი თაობის შერეული რეალობის სათვალე Quest 3 წარადგინა.
მისი ფასი 499 დოლარიდან იწყება, მოწყობილობა 40%-ით თხელი იქნება კომპანიის წინა მოდელთან შედარებით.
„ახალი მოდელი მოიცავს ფერად შერეულ რეალობას, რომელიც აერთიანებს აუგმენტური და ვირტუალური რეალობის ელემენტებს“ - დაწერა ცუკერბერგმა თავის პოსტში ინსტაგრამზე.
Quest 3-ს ექნება ახალი Qualcomm ჩიპსეტი ორჯერ მაღალი გრაფიკული შესრულებით. უფრო მეტი დეტალის მიწოდებას ცუკერბერგი მომხმარებელს სექტემბერში, კომპანიის ვირტუალური რეალობის კონფერენციაზე ჰპირდება.
აღსანიშნვია, რომ ახალი მოწყობილობის შესახებ ცუკერბერგმა Apple-ს დაასწრო და ერთი კვირით ადრე განაცხადა. მისი ტექნოლოგიური კონკურენტი Apple AAPL.O თავისი პირველი შერეული რეალობის მოწყობილობის შესახებ ინფორმაციის გამოქვეყნებას სავარაუდოდ, უახლოეს მომავალში გეგმავდა.
Meta ამჟამად AR/VR მოწყობილობების ბაზარზე დომინირებს. ბაზრის კვლევის ფირმა IDC-ის შეფასებით, 2022 წელს გაყიდული 8.8 მილიონი სათვალის თითქმის 80%-ი Meta-ზე მოდის.
