Lotus-ი მასობრივი ბაზრისთვის სრულად ელექტრო სპორტულ ავტომობილს უშვებს

Lotus-მა ნიუ-იორკში სრულად ელექტრო (GT) სპორტული მანქანა Emeya წარადგინა. ეს ბრიტანული ავტომწარმოებლის უახლესი ნაბიჯია და ნიშური ბრენდიდან მასობრივ წარმოებაზე გადასვლის გეგმას უკავშირდება.

შედარებისთვის, Lotus-ის წინა მოდელის Eletre SUV ფასი 90,000 ფუნტიდან ($112,300) 130,000 ფუნტამდე მერყეობს. მისი წარმოება კომპანიამ წელს დაიწყო.

რაც შეეხება, ახალ ავტომობილს, მისი ფასი ჯერ უცნობია, თუმცა, კომპანიის გეგმა 2028 წლისთვის 150,000 ავტომობილის გაყიდვაა.

ახალ GT-ს აქვს ძვირადღირებული ფუნქციები, რაც მას გრძელ დისტანციებზე მართვისთვის უფრო კომფორტულს ხდის.

მწარმოებელი Emeya-ს წარმოებას 2024 წელს ვუჰანში, ჩინეთის ქარხანაში დაიწყებს, რომელსაც ჩინური ავტომწარმოებელი Geely მართავს. Geely ამ საწარმოს Lotus-ის შვილობილ კომპანისთან, მალაიზიურ Etika Automotive-თან ერთობლივად ფლობს.

Emeya-ს მაქსიმალური სიჩქარე საათში 155 მილია (250 კმ) და სწრაფი დატენვის შესაძლებლობა აქვს.

Lotus-ის კომერციულმა დირექტორმა მაიკ ჯონსტონმა განაცხადა, რომ კომპანიის სამიზნე ჯგუფი ის ადამიანები არიან, რომლებიც „ეძებენ რაღაც განსხვავებულს ელექტროფიცირებულ GT სტილის სპორტულ მანქანაში“.

დაარსებიდან - 1948 წლიდან Lotus წელიწადში 5000 მანქანას აწარმოებდა, ახლა ეს რიცხვი ბევრად გაიზრდება.