დიდი ბრიტანეთის მონაცემთა დამკვირვებელმა TikTok-ი £12.7 მლნ-ით დააჯარიმა

ბავშვების კონფიდენციალურობის დაუცველობის გამო, დიდი ბრიტანეთის მონაცემთა დამკვირვებელმა TikTok £12.7 მლნ-ით დააჯარიმა.

მისი შეფასებით, TikTok-მა 2020 წელს პლატფორმის გამოყენების უფლება 13 წლამდე ასაკის 1.4 მილიონამდე გაერთიანებულ სამეფოში მცხოვრებ ბავშვს მისცა,- წერს BBC-ი.

ICO-ს გამოძიების თანახმად, ვიდეოს გაზიარების საიტმა ბავშვების მონაცემები მშობლების თანხმობის გარეშე გამოიყენა.

TikTok-მა კი განაცხადა, რომ კომპანიამ დიდი ინვესტიცია განახორციელა, რათა შეეჩერებინა 13 წლამდე ასაკის ბავშვებისთვის პლატფორმაზე წვდომა, თუმცა როგორც აღმოჩნდა, ეს პრობლემა ბოლომდე ვერ აღმოიფხვრა.