Apple დღეს iPhone 13-ს წარადგენს - როგორი იქნება ახალი მოდელი

Apple მზად არის გამოუშვას უახლესი iPhone, - ამის შესახებ კომპნიამ ოფიციალურ გვერდზე ღონისძიება დააანონსა, რომელიც ჩვენი დროით საღამოს 21:00 საათზე დაიწყება და მისი ნახვა ონლაინ იქნება შესაძლებელი.   

პრაქტიკულად ყველაფერი, რისი გაგებაც გსურთ, Apple- ის iPhone 13 -ის შესახებ უკვე ცნობილია. გავრცელდა ვიდეოც, სადაც ჩანს თუ როგორი დიზაინი ენება ახალ მოდელს.

გავრცელებული ინფორმაციით, iPhone 13-ს სატელიტური კავშირი, განსხვავებული კამერის ლინზები, ასევე ზომა და ფერები ექნება. ბევრი სხვა ცვლილება შეუიარაღებელი თვალით არ ჩანს. პირველ რიგში, iPhone-ის ოთხი ახალი მოდელიდან თითოეულს ბევრად გამძლე ბატარეა მოყვება, რომელიც სავარაუდოდ, საჭირო იქნება 120Hz-იანი ეკრანებისთვის, რადგან Apple– მა თავისი ProMotion ტექნოლოგია შემოიტანა iPhone– ზე. iPhone 13 მფლობელებს ასევე შეეძლებათ გადაიღონ ვიდეო კადრები კიდევ უფრო მაღალი ხარისხით.

ონლაინ ღონისძიებაზე სავარაუდოდ წარმოდგენილი იქნება ახალი Apple Watch Series 7 და AirPods 3.