ფინანსები
09/01/2023
მარეგულირებელმა ტერაბანკი დააჯარიმა
ტერაბანკი (არაბი შეიხების 188 მლნ ლარის კაპიტალით) 41 000 ლარით დაჯარიმდა, კანონის და წესების დარღვევის რამდენიმე და განმეოერებით შემთხვევაზე.
ზედამხედელს ბანკმა გამოთხოვილი დოკუმენტაცია 4-ჯერ მიაწოდა არასწორად. დაარღვია „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ კანონი. ერთ-ერთი კლიენტის ქონების წარმომავლობა არ შეისწავლა. კანონმდებლობის შესაბამისად კლიენტზე ინფორმაცია არ განაახლა.
სებ-ის ინფორმაციით, იგნორირებულია „უკანონო შემოსავლის ლეგალიზაციის და ტერორიზმის დაფინანსების რისკის შეფასების სახელმძღვანელოს დამტკიცების თაობაზე“ სებ-ის პრეზიდენტის ბრძანებით გაწერილი მოთხოვნები: 2 კლიენტთან მიმართებით რისკფაქტორები არ არის გათვალისწინებული.
დარღვეულია AML/CFT ანგარიშგება (H2/2020, H1/2021 პერიოდის).
