კობა გვენეტაძე ბიზნესს პასუხობს: პოპულიზმი ტექნოკრატიის მტერია

კობა გვენეტაძე ბიზნესმენებს მიერ ლარის კურსზე გამოთქმულ კრიტიკას სოციალურ ქსელში პასუხობს.

„პოპულიზმი ტექნოკრატიის მტერია.

ეროვნულმა ბანკმა სწორი და დროული მიდგომებით არაერთხელ გადაარჩინა ბიზნესი და მოსახლეობა. ისეთი ღონისძიებებით, რომელიც ამ განცხადებაშია ჩამოთვლილი, პანდემიის ფონზე დღეს გაცილებით უარეს მდგომარეობაში აღმოვჩნდებოდით. ეროვნული ბანკი ზუსტად იმიტომ არის დამოუკიდებელი, რომ მსგავს მოწოდებებს არ აჰყვეს.

გონივრული და თანმიმდევრული მიდგომების შენარჩუნებით, რაც საერთაშორისო პარტნიორების მხარდაჭერის გარანტია, ამ შოკსაც გავივლით!

P.S ლარი ბოლო ერთ თვეში 2.6 პროცენტით გაუფასურდა და არა „ . . . 20 პროცენტით რამდენიმე დღეში“.

PPS დედოლარიზაციას საქართველოში ალტერნატივა არ აქვს“, - წერს კობა გვენეტაძე.

ბიზნესი რთულ ვითარებაზე აცხადებს. მათი თქმით, ლარის გაუფასურება მცირე და საშუალო ბიზნესს კი არა, მსხვილ ბიზნესსაც ისე ურტყამს რომ ვითარება უკვე  გაუსაძლისია. კერძო სექტორი ეროვნულ ბანკს სავალუტო  ინტერვენციებისაკენ მოუწოდებს.