იანვარში კომერციული ბანკების მთლიანმა აქტივებმა ₾67.7 მლრდ შეადგინა

2023 წლის იანვარში, წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 2.6 მლრდ ლარით, ანუ 3.7 პროცენტით შემცირდა(გაცვლითი კურსის ეფექტის გარეშე 2.7 პროცენტით შემცირდა) და 2023 წლის იანვრის ბოლოს 67.7 მლრდ ლარი შეადგინა.

როგორც საქართველოს ეროვნული ბანკის მიერ გამოქვეყნებულ ინფორმაციაშია აღნიშნული, საბანკო სექტორის სააქციო კაპიტალი 9.4 მლრდ ლარს შეადგენს, რაც კომერციული ბანკების მთლიანი აქტივების 13.9 პროცენტია.

მარეგულირებლის ინფორმაციით, ამ გაანგარიშებებში არ მონაწილეობს სს "პეისერა საქართველო"-ს მონაცემები, რადგანაც ციფრული ბანკი ოპერირებს სატესტო რეჟიმში.