ბაზისბანკი 500 ლარზე ნაკლებ სესხს აღარ გასცემს

გადარიცხვის 0.07%-იან საკომისიოს ბაზისბანკიც ცვლის. 1-ლი მაისიდან სხვა ბანკის ანგარიშზე გადარიცხვის ცვლად ტარიფებს ფიქსირებული შეცვლის. 

არსებული 0.07%, მინ. 0.90 ლარის ნაცვლად ფიქსირებული 1 ლარიანი საკომისიო დაწესდება 1 000 ლარამდე ტრანზაქციებზე. ₾10 000-მდე - ₾2, ₾100 000-მდე - ₾5  და ₾100 000-დან ₾50.

იცვლება იურიდიული პირის მომსახურების ტარიფიც, მოცულობის პროპორციულად -1/5/10/100 ლარი. 

დისტანციურთან ერთად  ფილიალიდან გადარიცხვებიც განახლებული სატარიფო სქემით იწარმოებს. იურიდიული პირებისთვის საკომისიო 4/10/20/200 ლარით  განისაზღვრება. საცალო მომხმარებლისთვის 4/10/100 ლარით.

სავალუტო ტრანზაქციებზე ტარიფები ნარჩუნდება.

სამაისოდ, მომსახურების პირობებში სხვა ცვლილებები არ შედის. მანამდე კი გაიზარდა სამომხმარებლო სესხის მინიმალური ლიმიტი ₾500-მდე. განვადება კვლავ ₾200-დან გაიცემა (₾ 10 000 -მდე) , რომელიც მხოლოდ  ჰუალინგის (სავაჭრო ცენტრი) მაღაზია-სალონებში მოქმედებს.