ახალი იპოთეკური სესხის პროგრამით უკვე 5 სესხი დამტკიცდა
მთავრობის მიერ წარდგენილი ახალი იპოთეკური სესხის პროგრამით უკვე 5 სესხი დამტკიცდა. კიდევ 6 სესხი განხილვაშია.
საქმე ეხება პროგრამას, რომლის მიხედვით, მრავალშვილიან ოჯახებს, ასევე ოჯახებს, რომლებსაც შეეძინებათ შვილი, საშუალება ექნებათ, ისარგებლონ იპოთეკური სესხის სუბსიდირებით.
"სხვადასხვა ბანკიდან მოგვდის მონაცემები, რომ 11-მდე იპოთეკური სესხი არის უკვე ახალი პროგრამით მხარდაჭერილი. აქედან 5 უკვე დამტკიცებულია, ხოლო 6 განხილვაში. საუბარია მრავალშვილიან ოჯახებსა და იმ ოჯახებზე, ვისაც ახალშობილი გაუჩნდება",- განაცხადა ეკონომიკის მინისტრმა, ნათია თურნავამ.
შეგახსენებთ, რომ „აწარმოე საქართველოში“ თანადაფარვით, თანხა 2021 წლის კორექტირებული ბიუჯეტით დამატებით გაწერილი, ₾55 მლნ-დან მიიმართება. წყვილებს იპოთეკური სესხი I და II შვილზე 6%-ით, III, IV-ზე კი 8%-ით დაუსუბსიდირდებათ. ეკონომიკის სამინისტრო წლის ბოლომდე გაცემულ სესხზე 5 მლნ-იან დაფინანსებას ვარაუდობს.
