ენერგეტიკა
18/12/2020
სემეკ-მა გენერაციის ობიექტებს ახალი ტარიფები დაუდგინა
სემეკმა ელექტროენერგიის ობიექტებს 3-წლის ვადით ახალი ტარიფები დაუდგინა.
მარეგულირებლის მიერ, სატარიფო მეთოდოლოგიის საფუძველზე მიღებული გადაწყვეტილების თანახმად, "ენგურჰესის" ელექტროენერგიის წარმოების ტარიფი დაახლოებით 35%-ით გაიზარდა. ასევე გაიზარდა "ლაჯანურჰესის“, "ძევრულჰესის“ და "გუმათჰესების“ გენერაციის ტარიფებიც.
ელექტროენერგიის წარმოების ტარიფი ერთ-ერთი ძირითადი კომპონენტია, რომელიც მნიშვნელოვან როლს თამაშობს ელექტროენერგიის ტარიფების განსაზღვრაში, როგორც საყოფაცხოვრებო, ასევე კომერციული მომხმარებლებისთვის. როგორ აისახება ეს გადაწყვეტილება სამომხმარებლო ტარიფებზე 21 დეკემბერს გაირკვევა.
