როგორ გაიზრდება პენსიები ცნობილია

მთავრობამ პენსიების ინდექსაციის წესი განსაზღვრა.

ფინანსთა მინისტრის თქმით, განსაზღვრული სქემით, 2021 წლიდან იწყება ხანდაზმულობის პენსიების ინდექსაცია.

„70 წლამდე პენსიონერების პენსიის ზრდა უნდა მოხდეს მინიმუმ ინფლაციის გათვალისწინებით, ხოლო  70 წელზე ზემოთ, პენსიები გაზრდება ინფლაციის და ეკონომიკური ზრდის 80%-ის გათვალისწინებით. ასევე დაწესებულია ქვედა ზღვაარი აბსოლუტურ გამოსახულებაში, პენსიები გაიზრდება  70 წლამდე პირებისთვის მინიმუმ 20 ლარით და 70 წელს ზემოთ მინიმუმ 25 ლარით, ყოველწლიურად გარანტირებულად“, – განაცხადა ფინანსთა მინისტრმა.

მისი თქმით, წლის დასაწყისში დაანონსებული პენსიის მატება 20 ლარით უკვე შემდგარი ფაქტია. 1 ივლისიდან ასევე შევა ძალაში, 70 წელს ზემოთ პირებისთვის პენსიის  30 ლარით მატება, მიუხედავად იმისა, რომ ბიუჯეტს დღეს აქვს დიდი გამოწვევები.