რას ვყიდით ექსპორტზე პანდემიის პირობებში

პანდემიის ფონზე ქართული პროდუქციის ექსპორტი შემცირდა.

"საქსტატის" მონაცემებით, 2020 წლის პირველ ნახევარში წმინდა ექსპორტი წლიურად 16%-ით, 1,503 მლრდ დოლარამდე შემცირდა.

საქართველოში ადგილობრივი ექსპორტი მთლიანი ექსპორტის 71.1%-ს შეადგენს,რაც  წინა წლის ანალოგიურ მაჩენებელთან შედარებით 3%–ით ნაკლებია.

2020 წლის პირველ ნახევარში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 80.5% შეადგინა.

უმსხვილესი საექსპორტო პარტნიორები არიან: ჩინეთი (197.9 მლნ. აშშ დოლარი), რუსეთი (167.3 მლნ. აშშ დოლარი) და ბულგარეთი (161.6 მლნ. აშშ დოლარი).

ადგილობრივი ექსპორტის ათეულში პირველ ადგილზე სპილენძის მადნები და კონცენტრატებია წარმოდგენილი 332.4 მლნ. აშშ დოლარით. მეორე ადგილზე ფეროშენადნობები 117.1 მლნ დოლარით და მესამე ადგილზე ყურძნის ნატურალური ღვინოები 91 მლნ დოლარით. ასევე მაღალი მაჩვენებელია მინერალურ/მტკნარ წყლებში და აზოტოვან სასუქებში.